روح .. مطرح
ما بدك روح
ما عدت حلمي ولا
ذكرياتي
وسكة رجوعي
صرت ورقة خريف
كبرت وشاخت على
حفاف الكذب
روح وخود معك كل ذكرى وجمر
صارت أحلامك رماد بس الحلم جواتي
محفور بدمع لو حكي
كان قلك
كل وجع جواتي كان فيه حلم
اسمه انت
روح وخود معك اسامينا العتيقة
مطارح الذكرى والمقعد العتيق
يمكن بعد ما تروح
تتذكر إن الوجع
مش موجود بالحلم
بس محفور بصرخة ألم
بعمرك وعمري
روح لـ بعيد
وخود معك حلم العمر
مش انت لي كنت الي
روح الحلم وتؤم الألفة
مش شفافك لي همست اسمي
مش عيونك لي رسمت وجي
ولا صوتك لي صرخ فيني
وحمل همي
وجرح سنيني
روح عمطرح لي ما بيوصلك صوتي
ما بينشاف بعيونه لوني
وأنا ببقى أنا
مهما الغدر وسنين الوجع طالت
والحب مهما غاب
ما بيصبح خريف
ولا بيهجر رصيف
روح وانسى وعدك إلي
واحرق بإيدك لي كانت
بيوم لمسة وجودي
ذكريات احتلت بحروفها سنيني
روح لا بعيد بس عمرك الي
وقلبي شايل معه كل ذكرى
وكل همسة حنونة
مش إلك حلمي
بس حلمك معي
وعفراشة الأحلام
رح إرسمك طير
غرب وطول رجوعوا
والغربة من حقها
تسرق فرحة رجوعي
روح لا بعيد وغير بريدك
لا مطرح ما بيوصلك فيه صوتي
وتركلي حلم شفتك فيه بالعمر مرة
وسكر وراك كل بواب الحنين
بس قبل ما تخلص الأيام
رح خبرك سر مش موجود
إلا بقلبك وقلبي
بتموت كل الدني إلا انت وأنا
مش بيموت فينا الحب
لي انولد من قبل ما تخلق الدني
بقلم الشاعرة زيزي ضاهر
كلمات في غاية الروعة
ReplyDelete